[Lecker Nudelsalat]

Da Schweinehund

In jedn Menschn steckt a Schweinehund,
wär neigierig wie der do eine kumt.
kumt ma mit so an Viech scho auf die Wöd,
oda muas mas erwerm erst um vü Göd.

Vielleicht is a nur a klans Schmusetier,
ols Schweinehund kumt es mir gor net vir.
i hobs no nia grunzn oda bölln ghert,
des hätt mi owa sicha scho moi gstert.

A Schweinehund in meinem Körpa drin,
i kauns net glaum, ob i gor deppert bin.
I hob glaubt i bin a gwehnlichs Madl,
jetzt steckt in mir a Hund und a Fadl.

Na, i denk ma des kauns jo gor net gem,
des wa doch nur a reines Viecha Lem.
Hob glaubt i bin ols Mensch auf dWöd kuma,
und jetzt hob i an Schweinehund gnuma.

Owa waun i schau auf die aundan Leit,
do hob i mit mein Viechal scho a Freid.
Mein Schweinehund hob i allweil besiegt,
ob aundre a folsche Schlaunga wegakriegt.

Margit Kvarda